தொடர் மின்வெட்டு நடிகர்களின் ரியாக்சன்(ஒரு கற்பனை)

ஒரு நாளைக்கு நாப்பத்தெட்டு மணி நேர மின்வெட்டு...பெட்ரோமாக்ஸ் லைட் வாங்கினால் இரண்டு தீப்பந்தங்கள் கொடுக்கும் காலம்.தொடர் மின்வெட்டினால் நடிகர்கள் என்னாகிறார்கள்?அவர்கள் ரியாக்சன் என்ன?ஒரு கற்பனை:
முதலில் ரஜினிகாந்த்:

கண்ணா இனி நீ ஒரு நாளைக்கு அம்பது மணி நேரம் கூட நிறுத்திக்க...எனக்கு கவலை இல்லை..ஆ...பாபாஜிகிட்ட போறேன் இமயமலைக்கு.... ஜென்மத்துக்கு இங்கே திரும்பி வர மாட்டேன்...ஆ...(துண்டை போர்த்தி கொண்டு போகிறார்...விடுகதையா இந்த வாழ்கை பாடல் பின்னணியில் ஒலிக்கிறது)
(மனதிற்குள் "ஆண்டவா தமிழ்நாட்டிடம் இருந்து உன்னை நீயே காப்பாற்றி கொள்")

கமல்ஹாசன்:
எல்லாம் மின்சார மாயம் என்று சொன்னீர்களே
ஆனால் என் வாழ்வில் எல்லாம் பயமயம்
மிக்சியில் துவையல் அரைக்கும் போது  மின்சாரம் போய்விடுமோ என்ற பயம்
கிரைண்டரில் மாவாட்டும்போது மின்சாரம் போய்விடுமோ என்ற பயம்
வாசிங் மிஷினில் துணி வெளுக்கும் போது மின்சாரம் போய்விடுமோ என்ற பயம்
டிவியில் படம் பார்க்கலாம் என்றால் மின்சாரம் போய்விடுமோ என்ற பயம்
எல்லாத்துக்கும் மேலாக கழுவ தண்ணீராவது வேண்டுமே
தண்ணீர் மோட்டார் போட்டால் மின்சாரம் போய்விடுமோ என்ற பயம்
மின்சாரம்...மின்சாரம்...மின்சாரம் ரொம்ப அசிங்கம்...
அபிராமி தான் அழகு நான் போறேன் கொடைகானல் குகைக்கு

விக்ரம்:
வசனம் எதுவும் இல்லை ஒரு ரியாக்சன் கொடுத்து விட்டு சூரிய ஒளி பின்னணியில் மறைகிறார்

 பரத்:
ஞா ஞா ஞா ஞா ஞா....என்று தலையில் அடித்து கொண்டு ரோட்டில் திரிகிறார்
அஜித்:
அய்யா இது மொத்தமும் தமிழ்நாடு
ஏதோ சில கிறுக்கு பயபுள்ளைக ஏதோ அது பேரென்ன (பக்கத்தில் ஹாஜா செரிப் சொல்கிறார் "கரண்ட்") ஆ கரண்ட் அந்த கருமாந்திரம் எங்க ஊருக்கு வரும்னு சொல்லி பல கோடி ஒதுக்கி இந்த கம்பியெல்லாம் மேல கட்டுனாங்க..ஆனா வரலியே...வவுறு எரியுதுலே...

எம்  ஆர் ராதா :
 அமெரிக்காவுல ஐ பேட் கண்டுபிடிக்குறான்
ஜப்பானில் அசிமோ கண்டுபிடிக்குறான்
ரசியாகாரன் ராக்கெட் உடுறான்
சைனாகாரன் நீர்மூழ்கி கப்பல் உடுறான்
ஆனால் poor fellows தமிழ்நாட்டுக்காரன்
தீப்பந்ததுக்கு எண்ணை விடுறான்..
நீங்க திருந்த மாட்டீங்க
அடியே காந்தா உனக்கு ஒரு குட்பை தமிழ்நாட்டுக்கு ஒரு குட்பை
ஐ ஆம் கோயிங் டூ அமெரிக்கா..
டேய் யார் மேன் அங்க பெட்டி படுக்கையை எடுத்து வை

ரகுவரன்:
வீட்டிற்குள் வருகிறார்..வியர்க்க விறுவிறுக்க பேன் சுவிட்சை போடுகிறார் ....ஆனந்த்பாபு "கரண்ட் இல்லை " என்று சொல்கிறார் ...
டென்சன் ஆகி " ஐ நோ ஐநோ ஐநோ ஐ நோ ஐ நோ ஐ நோ ஐ நோ" என மின்சார மீட்டரை பிடுங்கி எறிகிறார்..ஐ நோ ஐ நோ...(தொடர்கிறது)

தலைவர் கவுண்டர்:
அனைத்து மின்சாதனங்களையும் தெருவில் எறிகிறார் "இது ஒரு எழவு இந்த எழவாலதான் எல்லா எழவும்" நாராயணா என்னால முடியலடா...தன்ராஜ் கிட்ட சொல்லி சந்திர மண்டலத்துக்கு டிக்கட் போட சொல்லு...ஆள உடுங்கடா சாமீ

Tweet